Brahmastra Box Office Collection Day 3 Ranbir Kapoor Alia Bhatt Movie

0
6


Brahmastra Box Office Collection Day 3 : बॉलिवूडमधील प्रसिद्ध अभिनेत्री आलिया भट्ट (Alia Bhatt) आणि रणबीर कपूर (Ranbir Kapoor) यांचा ब्रह्मास्त्र (Brahmastra) हा चित्रपट गेल्या काही दिवसांपासून बॉक्स ऑफिसवर धुमाकूळ घालत आहे. या चित्रपटाचे शो हे हाऊसफुल झाले आहेत. या चित्रपटानं केवळ देशभरातच नाही तर जगभरातील प्रेक्षकांची पसंती मिळवली आहे. ब्रह्मास्त्र चित्रपट रिलीज होऊन केवळ तीन दिवस झाले आहेत. तीन दिवसांमध्ये या चित्रपटानं 100 कोटींचा टप्पा पार केला आहे. लवकरच हा चित्रपट 200 कोटी क्लबमध्ये सामील होईल, असं म्हटलं जात आहे. जाणून घेऊयात ब्रह्मास्त्र चित्रपटाच्या बॉक्स ऑफिस कलेक्शनबद्दल…

ब्रह्मास्त्र चित्रपटाचं बॉक्स ऑफिस कलेक्शन
ब्रह्मास्त्र चित्रपटानं पहिल्या दिवशी 37 कोटींची कमाई केली. तर दुसऱ्या दिवशी या चित्रपटानं 42 कोटींची कमाई केली. यामध्ये 37 कोटी हिंदी भाषेतील आणि 5 कोटी इतर भाषांतील कलेक्शन आहे.  तिसऱ्या दिवशी 46 कोटींचे कलेक्शन या चित्रपटानं बॉक्स ऑफिसवर केलं. तीन दिवसांमध्ये या चित्रपटानं 125 कोटींची कमाई केली. अनेक नेटकरी सोशल मीडियावर पोस्ट शेअर करुन ब्रह्मास्त्र चित्रपटाचं कौतुक करत आहेत.  जगभरातील बॉक्स ऑफिसवर या चित्रपटानं 160 कोटींपेक्षा जास्त कमाई केली आहे.  

दीपिका आणि शाहरुखचा कॅमिओ

चित्रपटामध्ये आलिया आणि रणबीरसोबतच अमिताभ बच्चन, नागार्जुन आणि मौनी रॉय या कलाकारांनी देखील प्रमुख भूमिका साकारली आहे. तसेच शाहरुख खान आणि दीपिका पादुकोणनं या चित्रपटामध्ये छोटी पण महत्त्वाची भूमिका साकारली आहे. दीपिकानं या चित्रपटानं रणबीरच्या आईची भूमिका साकारली आहे. सध्या सोशल मीडियावर ब्रह्मास्त्र चित्रपटातील शाहरुख आणि दीपिकाच्या लुक्सचे फोटो व्हायरल होत आहेत. ब्रह्मास्त्र या चित्रपटातील ‘केसरिया’, देवा देवा या गाण्यांना प्रेक्षकांची पसंती मिळाली. अयान मुखर्जीने या सिनेमाचं दिग्दर्शन केलं आहे. काही दिवसांपासून बॉयकॉट ब्रह्मास्त्र हा ट्रेंड सोशल मीडियावर व्हायरल झाला होता.  चित्रपट रिलीज होण्याआधी सोशल मीडियावर बॉयकॉट ब्रह्मास्त्र हा ट्रेंड सुरु झाला होता. या चित्रपटावर बहिष्कार टाकण्याची मागणी नेटकरी करत होते.  या ट्रेंडाचा चित्रपटाच्या कलेक्शनवर परिणाम होईल, असं म्हटलं जात होतं. पण सध्या हा चित्रपट बॉक्स ऑफिसवर चांगली कमाई करत आहे. 

वाचा इतर महत्त्वाच्या बातम्या :  



Source link

LEAVE A REPLY

Please enter your comment!
Please enter your name here