Rohit Sharma Press Conference Virat Kohli Options Team India Opening T20 World Cup 2022 IND Vs AUS KL Rahul Opener

    0
    6


    Rohit Sharma, India vs Australia : भारत आणि ऑस्ट्रेलिया (India vs Australia) यांच्यात टी20 विश्वचषकापूर्वी 2022 (T20 World Cup 2022) टी20 मालिका खेळवली जात आहे. 20 सप्टेंबरपासून सुरु होणाऱ्या या मालिकेसाठी टीम इंडिया मोहाली येथेही पोहोचली आहे. दरम्यान कर्णधार रोहित शर्मा याने नुकतीच प्रेस कॉन्फरन्स घेत भारताकडून सलामीवीरांची जोडी कशी असेल? याबाबत माहिती दिली. यावेळी त्याने केएल राहुल हाच सलामीवीर असणार असून विराट कोहली हा संघासाठी तिसरा सलामीवीर असेल असं रोहितनं स्पष्ट केलं आहे.

    कोहलीच्या ओपनिंगबाबत बोलताना रोहित म्हणाला,”विराट कोहली आमच्यासाठी तिसरा ओपनर आहे. तो काही सामन्यांत नक्कीच सलामीला येईल. अफगाणिस्तानविरुद्धच्या सामन्यात त्याचा फॉर्म जबरदस्त होता. आम्ही यामुळे आनंदी आहोत. पण मी हे स्पष्ट करु इच्छित आहे की, केएल राहुल हाच विश्वचषकात सलामीवीर असणार आहे.” 

    भारतीय संघात एक बदल

    भारत आणि ऑस्ट्रेलिया मालिकेमध्ये अनुभवी गोलंदाज मोहम्मद शमी (Mohammed Shami) याला संधी देण्यात आली होती. पण सामन्यांना दोन दिवस असतानाच आता शमीला कोरोनाची बाधा झाल्यामुळं तो ऑस्ट्रेलियाविरुद्ध मालिकेला मुकणार आहे. दरम्यान शमी बाहेर गेल्यामुळे त्याच्या जागी उमेश यादवला संघात संधी देण्यात आली आहे. यामुळे आता जवळपास 43 महिन्यानंतर उमेश पुन्हा आंतरराष्ट्रीय टी20 सामना खेळणार आहे.

    अशी आहे टीम इंडिया-

    रोहित शर्मा (कर्णधार), केएल राहुल (उपकर्णधार), विराट कोहली, सूर्यकुमार यादव, ऋषभ पंत, हार्दिक पांड्या, रवीचंद्रन आश्विन, दीपक हुडा, दिनेश कार्तिक, जसप्रीत बुमराह, हर्षल पटेल, भुवनेश्वर कुमार, युजवेंद्र चहल, अक्षर पटेल, उमेश यादव, दीपक चाहर. 

    भारत-ऑस्ट्रेलिया टी-20 मालिकेचं वेळापत्रक-





    सामना तारीख ठिकाण
    पहिला टी-20 सामना 20/09/2022 ग्रीनफील्ड इंटरनॅशनल स्टेडियम, तिरुवनंतपुरम
    दुसरा टी-20 सामना 23/09/2022 विदर्भ क्रिकेट असोसिएशन स्टेडियम, महाराष्ट्र
    तिसरा टी-20 सामना 25/09/2022 राजीव गांधी आंतरराष्ट्रीय मैदान, हैदराबाद

    हे देखील वाचा- 



    Source link

    LEAVE A REPLY

    Please enter your comment!
    Please enter your name here