Kangana Ranaut Reaction On Heeraben Modi Death : पंतप्रधान नरेंद्र मोदी (PM Narendra Modi) यांच्या आई हिराबेन मोदी (Heeraben Modi) यांचे आज (30 डिसेंबर) सकाळी निधन झाले आहे. मंगळवारी त्यांना यूएन मेहता रुग्णालयात दाखल करण्यात आले आहे. उपचारादरम्यान त्यांचे निधन झाले आहे. त्यांच्या निधनानंतर विविध स्तरातून शोक व्यक्त केला जात आहे. आता बॉलिवूड अभिनेत्री कंगना रनौतने (Kangana Ranaut) पंतप्रधान नरेंद्र मोदी यांच्या निधनावर शोक व्यक्त केला जात आहे.
पंतप्रधान नरेंद्र मोदी यांच्या आई हिराबेन मोदी यांच्या निधनावर कंगना रनौतने सोशल मीडियाच्या माध्यमातून शोक व्यक्त केला आहे. कंगनाने तिच्या इंस्टा स्टोरीवर पंतप्रधान नरेंद्र मोदी यांचा त्यांच्या आईसोबतचा एक फोटो शेअर केला आहे. फोटो शेअर करत तिने लिहिलं आहे,”कठीण प्रसंगी देव पंतप्रधान नरेंद्र मोदी यांना संयम आणि शांती देवो, ओम शांती”.
हिराबेन मोदी यांनी 100 व्या वर्षी अखेरचा श्वास घेतला आहे. त्यांच्या निधनानंतर विविध स्तरातून शोक व्यक्त केला जात आहे. त्यांच्या निधनाची बातमी कळताच मनोरंजनसृष्टीतून हळहळ व्यक्त केली जात आहे. हिराबेन मोदी यांच्यावर आजच अंत्यसंस्कार होणार आहेत.
News Reels
पंतप्रधान नरेंद्र मोदी यांच्या आई हिराबेन मोदी यांच्या निधनावर प्रतिक्रिया देत अनुपम खेर म्हणाले,”आदरणीय पंतप्रधान नरेंद्र मोदीजी, आई हिराबेन मोदी यांच्या निधनाच्या बातमीने खूप वाईट वाटत आहे. तुमच्या आयुष्यात त्यांची जागी कोणीही घेऊ शकणार नाही. पण तुम्ही भारतमातेचे पुत्र आहे. माझ्या आईसह देशातील प्रत्येक आईचा आशीर्वाद तुमच्या पाठीशी आहे”. ‘द कश्मीर फाइल्स फिल्म’चे दिग्दर्शक विवेक अग्निहोत्री यांनीही हिराबेन यांच्या निधनाबाबत शोक व्यक्त केला आहे.
आदरणीय प्रधानमंत्री @narendramodi जी! आपकी माताश्री #हीराबा जी के निधन का सुनकर मन दुखी भी हुआ और व्याकुल भी।आपका उनके प्रति प्यार और आदर जग ज़ाहिर है।उनका स्थान आपके जीवन में कोई नहीं भर पाएगा! पर आप भारत माँ के सपूत हो! देश की हर माँ का आशिर्वाद आपके ऊपर है।मेरी माँ का भी!🙏🕉 pic.twitter.com/L9uPvMWjM2
— Anupam Kher (@AnupamPKher) December 30, 2022
My deepest condolences to Shri @narendramodi on the sad demise of his beloved ‘maa’.
भारत माँ के सपूत की माँ का कर्मयोगी जीवन हम सबको प्रेरणा देता रहेगा। शतक शतक नमन।
ओम् शांति। pic.twitter.com/bNPWpI9d2P
— Vivek Ranjan Agnihotri (@vivekagnihotri) December 30, 2022
कंगना रनौतचे आगामी सिनेमे
कंगना रनौतचा ‘धाकड’ हा सिनेमा यावर्षी प्रेक्षकांच्या भेटीला आला होता. बॉक्स ऑफिसवर हा सिनेमा फ्लॉप ठरला होता. पंगाक्वीन कंगनाचा ‘इमर्जन्सी’ (Emergency) हा सिनेमा लवकरच प्रेक्षकांच्या भेटीला येणार आहे. या सिनेमात कंगना इंदिरा गांधी यांच्या भूमिकेत दिसणार आहे. तसेच या सिनेमाच्या दिग्दर्शनाची धुरादेखील तिच सांभाळत आहे.
‘इमर्जन्सी’ सह कंगनाचा आगामी ‘तेजस’ (Tejas) सिनेमा पुढल्या वर्षात सिनेमागृहात प्रदर्शित होणार आहे. तसेच ‘सीता’ आणि ‘इमली’ हे तिचे आगामी सिनेमे आहेत. लवकरच ती ‘नटी बिनोदिनी’ या सिनेमाच्या शूटिंगला सुरुवात करणार आहे.
संबंधित बातम्या
