Donald Trump: अमेरिकेचे माजी राष्ट्राध्यक्ष डोनाल्ड ट्रम्प यांच्यावर अटकेची टांगती तलवार आहे. डोनाल्ड ट्रम्प यांनी शनिवारी एका सोशल मीडिया पोस्टमध्ये सांगितले की, त्यांना मंगळवारी अटक केली जाऊ शकते. त्यांनी आपल्या समर्थकांना याचा विरोध करण्यास सांगितले आहे. ट्रम्प म्हणाले की, मॅनहॅटन डिस्ट्रिक्ट अॅटर्नीच्या कार्यालयाकडून त्यांना अटक केली जाईल, अशी गुप्तचर माहिती मिळाली आहे. मात्र काय आरोप असतील हे त्यांनी सांगितले नाही. अॅटर्नी कार्यालयाच्या प्रवक्त्याने या प्रकरणावर भाष्य करण्यास नकार दिला.
